Мектебімізде Наурыз мерекесі атап өтілді

Мектебімізде Алатау ауданы әкімінің орынбасары Бектас Ерланұлы және Алматы қаласы мәслихат депутаты Гүлжан Мырзалықызының қатысуымен Ұлыстың ұлы күні – Наурыз мейрамына арналған мазмұнды әрі тағылымы терең іс-шара өтті.

Мереке аясында оқушыларға арналған мамандықтар жәрмеңкесі өткізіліп, жас ұрпаққа болашақ мамандық таңдауда бағыт-бағдар берілді. Сонымен қатар, ұлттық ойындар ұйымдастырылып, қатысушылар халқымыздың бай дәстүрі мен мәдениетін кеңінен танып-білуге мүмкіндік алды.

Шара барысында ата-аналар да белсенді атсалысып, мерекенің мәнін арттыра түсті. Кең дастархан жайылып, ұлттық тағамдар ұсынылды. Бұл – ұрпақтар сабақтастығын нығайтып, ұлттық құндылықтарды ұлықтаудың айқын көрінісі болды.

Концерттік бағдарлама аясында оқушылар ән шырқап, би билеп, күй тартып, өз өнерлерін жоғары деңгейде паш етті.

Наурыз мейрамы әр шаңыраққа құт-береке, молшылық пен ырыс әкелсін! Елімізде әрдайым бірлік пен татулық салтанат құрсын! Қолдау көрсеткен қадірлі қонақтарымызға алғыс айтамыз!

https://www.instagram.com/reel/DXSIrltCKbj/?utm_source=ig_web_copy_link&igsh=NTc4MTIwNjQ2YQ==