Қалабаева Рабиға Қасенқызы есімін химия кабинетіне беру және еске алу мақсатында конференция өтті.

Адамзат баласының ғұмыры қысқа болғанымен, артында өнегелі істер қалдырып, белгілі бір саланы мықты меңгеріп, өзі өмірден өтсе де, еңбегі мен қызметі, айналасындағы адамдарға жасаған жақсылықтары мен жанына жақын тарта білетін жылылығы естен кетпейтін адамдар бар. Сондай келбетімен өмірде есте қалатын тұлғаның бірі, мектебіміздің химия пәнінің мұғалімі Қалабаева Рабиға Қасеновна.
“Жақсының аты, ғалымның хаты өлмейді”демекші 31.01.2025 ж. күні гимназиямызда білікті ұстазы болған, өз ісіне адал жан Қалабаева Рабиға Қасенқызы есімін химия кабинетіне беру және еске алу мақсатында конференция өтті.

Іс-шара барысында ұстаздың білім саласына қосқан үлесі айтылды. Конференцияға әріптестері, шәкірттері мен туған-туыстары қатысып, естеліктерімен бөлісті.

Қалабаева Рабиға Қасенқызының еңбегі мәңгі есте қалады. Ұстазымыздың ғылымға сіңірген еңбегі болашақ ұрпақ үшін үлгі болары сөзсіз.