№4 педагогикалық кеңес өткізілді

2025-2026 оқу жылының ІІІ тоқсанын қорытындылап кезекті №4 педагогикалық кеңес өткізілді.
Тақырыбы:
«Тоқсан қорытындысы: нәтижеден – жаңа мақсаттарға»
Педагогикалық кеңестің мақсаты:
III тоқсан қорытындысы бойынша білім сапасы, оқу жетістіктері, тәрбие жұмысы мен әдістемелік қызмет нәтижелерін саралау, жетістіктер мен проблемалық тұстарды анықтау, алдағы кезеңге нақты мақсат-міндеттер белгілеу.
Бұл тақырыптың өзектілігі – әр тоқсанның қорытындысы тек өткен кезеңнің есебі ғана емес, сонымен қатар алдағы жұмыстың бағытын айқындайтын маңызды кезең болып табылады.

Білім беру үдерісінде әрбір тоқсан – мұғалім еңбегінің, оқушы ізденісінің, ата-анамен бірлескен жұмыстың нақты нәтижесін көрсететін уақыт. Сондықтан біз бүгін тек көрсеткіштерді атап өтумен шектелмей, сол нәтижелердің астарындағы себептерді талдап, жетістіктерімізді жүйелеп, кемшіліктерімізді түзету жолдарын қарастыруымыз қажет.

Біздің басты міндетіміз – әрбір нәтиженің артында тұрған нақты жұмысты бағалау, білім сапасын арттырудың тиімді жолдарын белгілеу және жаңа оқу мақсаттарына сенімді қадам жасау.

​https://www.instagram.com/reel/DWRGQu1iIFn/?utm_source=ig_web_copy_link&igsh=MzRlODBiNWFlZA==​​​