Мектепке дейінгі ұйым тәрбиеленушілеріне арналған танымдық экскурсия ұйымдастырылды

19 ақпан күні мектебімізде мектепке дейінгі ұйым тәрбиеленушілеріне арналған танымдық экскурсия ұйымдастырылды. Экскурсияға “Балсапар” балабақшасы ересек тобының тәрбиеленушілері қатысты.
Шараның мақсаты – балаларды мектеп ортасымен таныстыру, оқу кабинеттерін көрсету, мектеп өміріне деген қызығушылықтарын арттыру және болашақ бірінші сыныпқа бейімделуіне жағдай жасау. Экскурсия барысында балалар сынып бөлмелерін, кітапхананы, спорт залын аралап көрді. Мұғалімдер мектеп ережелері мен оқу құралдары туралы қысқаша түсінік беріп, мектебіміздің “Өзін-өзі басқару” ұйымының президенті Сафар Шынар түрлі танымдық ойындар ұйымдастырды.
Балалар экскурсияға белсенді қатысып, өздерін қызықтырған сұрақтарын қойып, жағымды әсер алды. Мұндай іс-шаралар мектеп пен балабақша арасындағы сабақтастықты нығайтуға ықпал етеді.

​https://www.instagram.com/reel/DVILlP4iEJg/?utm_source=ig_web_copy_link&igsh=MzRlODBiNWFlZA==​​​