Даму жоспары аясында би залы жасалды

Би өнері – балаларды тәрбиелеу мен дамытудың тамаша құралы және баланың жеке тұлға ретінде ашылуына көмектеседі.
Қазіргі білім беру жүйесінің мақсаты — жан-жақты дамыған, бәсекеге қабілетті тұлға дайындау. Қосымша білім берудегі ең негізгі мәселелердің бірі — шығармашыл тұлғаны дамыту және қалыптастыру. №201 мектеп-гимназиясының 5 жылдық даму жоспары аясында биыл ағымдағы жөндеу жұмысында оқушыларды қосымша біліммен қамту мақсатында би залы жасалды. Би залында оқушылардың жайлылығы мен денсаулығын сақтау үшін жылы еден орнатылды. Оқушылардың сабақтан тыс бос уақытын өткізетін жарық әрі жылы би залы шығамашылықтың негізгі ортасы болатынына сенімдіміз.