Балалардың терезеден құлауын алдын алу жөніндегі ата-аналарға жадынама

Балалардың терезеден құлауын алдын алу жөніндегі ата-аналарға жадынама

Құрметті ата-аналар!
Жыл сайын көктем-жаз айларында балалардың терезеден құлап кету оқиғалары тіркелуде. Мұндай жағдайлардың басты себебі – балалардың қараусыз қалуы және қауіпсіздік шараларының сақталмауы.

✅ Қауіптің негізгі себептері:
• Баланың терезеге өздігінен көтерілуі;
• Жиһаздың дұрыс орналаспауынан баланың терезеге шыға алуы;
• Москит торына сүйенуі (бала оны берік деп ойлайды);
• Терезе құлыптарының болмауы;
• Ересектердің назарсыз қалдыруы.

🛑 Ата-аналарға арналған кеңестер:
1. Баланы қараусыз қалдырмаңыз, әсіресе ашық терезе жанында.
2. Терезені ашық қалдырмаңыз – бір сәттік алаңдаушылық қайғылы жағдайға әкелуі мүмкін.
3. Москит торына сенбеңіз – ол баланы ұстап қала алмайды.
4. Жиһазды терезенің жанына қоймаңыз, бала оған шығып кетуі мүмкін.
5. Балаларға қауіпсіздік ережелерін үйретіңіз, үлкендерін кішілеріне қарауға баулыңыз.
6. Терезеге құлып орнатыңыз (блокатор, арнайы тұтқа).
7. Жалюзи, перделердің сымдары мен тізбектерін алыңыз, бала шатасып қалмауы үшін.
8. Үй маңын жасылдандырыңыз (жеке үй болса), құлаған жағдайда зақымды азайтады.
9. Қажет болғанда баланы туысқа немесе танысқа қалдырыңыз, ешқашан жалғыз тастамаңыз.