«Тіл – кемел болашақ тұғыры» атты апталықтың ашылуы

5 қыркүйек – Қазақстан халықтары тілдері күніне орай «Тіл – кемел болашақ тұғыры» атты апталықтың ашылуы өтті.
Мереке аясында мектебіміздің қазақ тілі, ағылшын тілі, орыс тілі пән мұғалімдері ұйымдастырған жәрмеңкеде оқушылар әр түрлі ойындарға қатысып, викториналық сұрақтарға жауап берді.
«Ұлттың сақталуына да, жоғалуына да себеп болатын нәрсенің қуаттысы – тіл» деген ұлағатты сөз қалдырған, қазақ халқының тағдыры мен тілі үшін күрескен Алаш арысы, ұлт ұстазы Ахмет Байтұрсынұлының бүгін өмір есігін ашқан күні. Бұл мерекенің сол күнге ауыстырылуы ұлт зиялысының еңбегіне жасалған құрметтің бір белгісі.